Skip to main content

Över uns

Hans-Peter Fitschen, de tomalige Sporkassendirektor hett de Plattdüütsch Stiften op’n Weg brocht. Dat wöör tweedusendsöven (2007). Hans-Peter Fitschen  harr sik al lang üm de Plattdüütsche Spraak kümmert. Wi kinnt em as Plattsnacker, Schrieversmann, de plattdüütsche Geschichten för dat Stoder Blatt schreven hett un ok den Vereen „De Plattdüütschen e.V.“ hett he mit grünnt.

Von links nach rechts: Josef Grave, Anne Denecke M.A., Petra Völckers-von Bremen, Hans-Peter Fitschen, Hans-Hinrich Kahrs

Hunnertdusend Euros (100 000) schullen dor tohoopkamen as dat mit de Stiften losgüng – man dor sünd mehr as hunnertachtunsöventigdusend Euros (178000) spennt worrn. Dat Neddersassische Ministerium för Wetenschapp un Kultur, de VGH Lanschappliche Brandkass Hannober, de Neddersassische Sporkassenverband, de Bremer Lannesbank un hunnertveertig Privotlüüd un Firmen höört to de Stifters mit to.

De Plattdüütsch Stiften is för ganz Neddersassen tostännig. Bet 2017 hett dat keen egen Projekte geven. Mit den „Plattdüütschen Filmpries“ is dat anners worrn. Korte Filme op Platt, von Kinner un junge Lüüd trechmaakt, dat harr düchtig Schick. Dat hett uns ok Moot maakt, dat wi hier un bi anner Projekten wietermaken doot. Wo heet dat noch? Beter wat as gor nix!

Wat will de Stiftung?

Plattdüütsch höört to Noorddüütschland so as Ebb un Floot, as Masch, Moor un Geest to. De Plattdüütsch-Stiften Neddersassen will sik dorüm kümmern, dat de Spraak sienen Platz hier ok wieterhen behollen deit. De Regionaalspraak Nedderdüütsch schall snackt, verstahn un wietergeven warrn. Projekte un Veranstaltens op un för Platt schöllt Hölp un Stütt kriegen. Dat gellt ok för Wetenschapp, dat een utkloken kann, woans de Spraak herkummt un wo dat mit de Spraak hengeiht.

Kinner un junge Lüüd schöllt to weten kriegen, dat Plattdüütsch to Noorddüütschland tohöört, en Weg na anner Fremdspraken so as Engelsch is un, dat mehr Spraken uns Kultur riek maken doot. Dormit schullen wi vör de egen Huusdöör anfangen.

Mehr Infos in unserer Satzung

Worüm nu?

In de Tied, wo de lütten Spraken dör de Europäische Charta van de Regional- un Minnerheitenspraken Hölp un Stütt kregen hebbt, is ok dat Plattdüütsche, de ole Spraak, as wichtigen Deel van uns Kultur rutstellt worrn. Man jümmer weniger Lüüd snackt Platt un jüst junge Lüüd sünd dor faken wiet van af. In Kinnergoorns un Grundscholen müssen se de Spraak in’t Ohr un op op de Tung kriegen. Twee Spraken sünd mehr as een. Aver mit gode Wöör alleen kaamt wi nich wieder. Wi mööt ok Geld in de Hand nehmen und dor nahelpen, wo de Spraak wassen un bleihen kann. Op dissen Weg stütt uns de Ministerpräsident van Neddersassen as Schirmherr un de Landschappen un Landschappsverbänden.

Stütt Se uns ok. De schäält düchtig, wenn wi tohoop för Plattdüütsch instaht. Ehr Bidrag is bannig wichtig.

Vorstand

Hans-Peter Fitschen

Sparkassendirektor i.R. und Stiftungsinitiator

Anne Denecke M.A.
Geschäftsführerin des Lüneburgischen Landschaftsverbandes
Veerßer Straße 53
29525 Uelzen
Tel.: 0581 82 72 62
E-Mail: Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

Josef Grave
Landschafts-Geschäftsführer i.R.
Im Hagen 7
49716 Meppen

Tel.: 05931 3871
E-Mail: Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

Hans-Hinrich Kahrs
Berater für Niederdeutsch des Landschaftsverbandes Stade
Bredemeher Weg 10
27432 Alfstedt

Tel.: 04765 78 0
E-Mail: Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

Petra Völckers-von Bremen
Bürger-Stiftung der Kreissparkasse Stade
Große Schmiedestr. 12
21682 Stade

Tel.: 04141 109 175
E-Mail: Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

Stiftungsuurkunn

Plattdüütsch is een Pieler von uns norddüütsche kulturelle Identität. De Plattdüütsch-Stiftung Neddersassen will sik dorför insetten,dat disse Pieler nichwegbrickt.

In Tieden, wo Hochdüütsch dörch Denglisch in de Bedrullje kummt, sütt dat för Plattdüütsch noch wat leger ut. Liekers hebbt noch vele Minschen in Neddersassen Plattdüütsch op de Tell und op de Tung.

Plattdüütsch leevt un gröönt opstünns sogor dörch. Nich toletzt ok, wiel Plattdüütsch 1999 dörch de „Europäische Charta von de Regionol- oder Minderheitensproken“ an Ansehn trüch wunnen hett.

Liekveel: De Regionolsprook Nedderdüütsch is op Help anwiest. Blot von ole Tieden tehrn langt nich. Mit gode Wöör alleen kummt Plattdüütsch nicht wiet. Dor mut reel Geld in de Hannen nohmen warrn, üm to’n Bispill in Kinnergoorns un in Scholen Plattdüütsch ünnerrichten to könen.

Üm dor Hand antokriegen hebb ik een gemeennützige Stiftung ünner den Nomen Plattdüütsch-Stiftung-Neddersassen gründt.

De Stiftung warrt gründt, so as dat no dat bürgerliche Recht för Stiftungen vörschreven is. Tohuus is se in Stood.

De Stiftung warrt för den Anfang mit een Stiftungsvermögen von 100.000,00 € (in Wöör: Eenhunnertdusend Euro) utstatt.

Zweck von de Stiftung is: De Regionolsprook Nedderdüütsch schall pleegt, erforscht, vermiddelt un wietergeben warrn. Besünnere Projekte un Veranstaltungen op un för Plattdüütsch schüllt jüst so fördert warrn as de Forschung un Lehr.

De Stiftung will sik dorför in’t Geschirr leggen, dat junge Lüüd Togang to un Gefallen an de plattdüütsche Sprook findt. Se will allens doran setten, dat in Neddersassen ok in Tokunft vele Minschen Plattdüütsch verstohn un snacken köönt.

Op dissen Weg warrt de Stiftung stütt dörch den Ministerpräsidenten von Neddersassen Christian Wulff as Schirmherr, dörch de Landschaften un Landschaftsverbänn un den Heimatbund Neddersassen.

Organe von de Stiftung sünd de Vörstand un dat Kuratorium.

Allens wat för de Stiftung von Bedüden is, is in de Stiftungssatzung regelt. Se is Bestanddeel von dit Stiftungsgeschäft.

Hans-Peter Fitschen

Stiftungsuurkunn
Anerkennen van de Stiftung